Kako prenosi portal Novi list, pojavile su se četiri divovske meduze, a najviše pažnje je, očekivano, privukla ona koja se nasukala najbliže plaži. Njeno tijelo ima prečnik od gotovo pola metra.
Marina Česen, pjesnikinja iz Opatije, dala je izjavu za spomenuti portal:
"Ovakve divovske meduze nijesam do sada imala priliku vidjeti u Opatiji. Svi ih fotografišu, ali kupači, među kojima ima i djece, kreću se po plićaku oprezno, jer se o njima ne zna puno. Bolje ih je ne dirati. Lijepe su, ali mogle bi i opeći, nikad ne znaš".
Podsjećamo, u oktobru protekle godine je kod Trogira uočena tzv. kompas meduza, koja je takođe ogromih razmjera. Može narasti do 30 centimetara u promjeru i imati lovke duge do jedan metar.