Tajni restorani rade u tajnosti, jeftiniji su od legalne konkurencije, ignorišu većinu zakona i standarda u ugostiteljstvu - i trenutno su veoma traženi u britanskoj prijestonici. Dobro upućenima poznato je desetak takvih mjesta, ali broj brzo raste.
Jedan od tih misteriouznih kuvara je i 40-godišnji Arno Masdorp, koji svoj stan dva puta sedmično pretvara u restoran. U svojoj kuhinjici kuva večeru za 16 osoba, koja uključuje najmanje pet različitih jela.
„Mnogi londonski restorani su preskupi, a hrana je loša. Želio sam sa drugima da podijelim svoju strast prema kuvanju“, rekao je Masdorp.
Cijena menija u njegovom „lokalu“ je oko 25 funti, a u londonskim restoranima po toj cijeni je skoro nemoguće teško naći hranu približno istog kvaliteta i količine.
