Organizator tribine je Savez boraca NOR-a i antifašista Crne Gore, a kako napominju u najavi događaja, Prva proleterska, iz koje su izrasla 84 narodna heroja, učestvovala je u svim velikim ratnim okršajima.
Podsjećaju da je na proslavi tri decenije ove Brigade u Rudom, prije pola vijeka vrhovni komandant Josip Broz Tito je rekao:
„Rijetko je koja armija u svijetu išla iz borbe u borbu sa pjesmom na usnama, kao što su to činili naši partizanski odredi, naše brigade i divizije. U tome je ogroman značaj Prve proleterske narodno oslobodilačke udarne brigade“.
U Prvom stroju u Rudom bilo je 1.070 boraca među kojima dva crnogogorska bataljona. Prvim bataljonom komandovao je Pero Ćetković a Drugim Radovan Vukanović. Politički komesari bili su Jovo Kapidžić i Mojsije Mitrović. Komandant brigade bio je Koča Popović, a politički komesar Filip Kljajić-Fića. Na ratnom putu od 22 hiljade kilometara tokom 1.240 dana vođeno je 530 borbi u kojima jeod 14.094 boraca svih nacija i narodnosti koliko je prošlo kroz njene strojeve, poginulo 4.818 a ranjeno devet hiljada proletera.
