Tri godine nakon “Teneta”, u drugoj polovini jula, premijerno će biti prikazan “Oppenheimer”, inače najduži Nolanov dosadašnji film.
Kako to i naziv sugeriše, film je biografska priča o američkom fizičaru Robertu Openhajmeru, kojeg znamo po otkriću stripping reakcija, ali jednako i po tome što je predvodio istraživački tim koji se bavio proizvodnjom atomske bombe. Upravo dio priče o programu razvijanja atomske bombe u fokusu je Nolanovog ostvarenja.
Ulogu Roberta Openhamjera tumačiće Kilijan Marfi, a u glumačkoj postavi su još Emili Blant, Met Dejmon, Robert Dauni Džunior, Kenet Brana i još niz poznatih imena.
Nolan je proteklih dana otkrio kako će film trajati dva sata i 49 minuta.
“Oppenheimer”, rađen u produkciji Universala, premijerno će biti prikazan 21. jula i odmah će krenuti po svjetskim bioskopima.
