Oktobarski ciklus ‘sokoli’ dočekuju sa dva poraza iz uvodnih duela protiv Islanda i Velsa, a večeras nas očekuje okršaj protiv izuzetno jake selekcije Turske.
Izabranici Roberta Prosinečkog u Samsunu će tražiti prve bodove, premda je jasno da put do tog cilja neće biti nimalo lak. Jer, gledali smo Tursku na Euru, zatim i u prethodna dva kola Lige nacija i na račun izabranika Vinćenca Montele mogu se uputiti samo komplimenti.
Prosinečki je objektivan – ističe kako Turskoj pripada uloga favorita.
0“Ali, mi se nećemo braniti, nemamo namjeru da to radimo.Probaćemo da im pariramo u veznom redu, gdje sve počinje. Kad imamo loptu da probamo nešto da napravimo. Neće biti nimalo lako, ali momci su svjesni toga i daće sve od sebe za dobar rezultat”, naglašava on.
Večerašnja utakmica na stadionu “19. maj”, čiji kapacitet iznosi gotovo 34.000 sjedišta, počeće u 20:45 časova.
U isto vrijeme, u Rejkjaviku će igrati Island – Vels.
