Govoreći na saslušanju u spoljnopolitičkom odboru donjeg doma britanskog paralmenta, Tras je demantovala izvještaje iz Jelisejske palate u kojima se sugeriše da je britanski premijer Boris Džonson u razgovoru s francuskim predsjednikom pokazao zainteresovanost za Evropsku političku zajednicu.
Džonson i Makron su razgovarali na marginama samita Grupe sedam industrijski najrazvijenijih zemalja svijeta 26. juna u Njemačkoj.
Makron je predložio formiranje Evropske političke zajednice koja bi bila otvorena za evropske države koje dijele zajednički skup demokratskih vrijednosti, bez obzira da li su članice Unije ili ne, da li žele da joj se pridruže ili su je napustile.
Po ocjeni nekih analitičara, Makronova ideja bi mogla da budućim britanskim vladama bude sredstvo da obnovi bliže odnose sa EU. Tras je, međutim, rekla da su prioriteti Velike Britanije jačanje uloge NATO-a i G7, prenio je EURACTIV.com.
