U prvom poluvremenu po jednu dobru priliku imale su obje selekcije, Sinkalin na jednoj, Jaja Ture na drugoj. U drugih 45 minuta najbolju šansu propuštio je Drogba. Žervinjo je u duelu sa dvojicom protivnika pao, a sudija je pokazao na bijelu tačku. Odgovornost je preuzeo “špic” premijerligaša iz Londona, ali se i obrukao. Šutirao je veoma jako, ali i veoma neprecizno. Lopta je otišla nekoliko metara iznad prečke gola.
Kristofer Katongo je u petom minutu prvog produžetka imao fantastičnu šansu. Sa pet metara je napadač kineskog Henana šutirao, a golman Kopa krajnjim naporom, nogama, zakačio loptu, koja se od stative odbila u korner. U drugih 15 minuta ni jedan od timova nije previše rizikovao, tako da su se igrači uglavnom odlučivali na šuteve sa distance, pa se prešlo na izvođenje jedanaesteraca.
Poslije sedam uspješnih rundi penala, Kolo Ture nije iskoristio svoju priliku. Kalaba mu se revanširao tako što je prebacio gol, ali uzbuđenja se tu nijesu završila. Žervinjo je očajno izveo penal, a Sunzu u devetoj seriji savladao Kopu i odveo Zambiju do prve titule u istoriji KAN.
