Nakon dokumentarnog filma pod nazivom "Whitney", stiže prvo zvanično ostvarenje o životu tragično preminule pjevačice, a sada je odlučeno da će naslovnu ulogu tumačiti Naomi Eki.
- Potrošili smo veći dio protekle godine u potrazi za glumicom koja će igrati Vitni Hjuston. Naomi Eki nas je impresionirala u svakom dijelu tog procesa. Bila sam dirnuta njenom sposobnošću da istakne pojavu na bini ove svjetske ikone istovremeno unoseći humanost u njen unutrašnji život- izjavila je rediteljka Stela Megi.
Eki je javnosti postal poznata nakon pojavljivanja u ostvarenju "Star Wars: The Rise of the Skywalker". Za ulogu u seriji "The End of the F***ing World" osvojila je nagradu BAFTA.
Vitni Hjuston umrla je u februaru 2012. godine. Naknadno je objavljeno da je uzrok smrti davljenje u kadi nakon konzumacije kokaina.
I dalje je jedna od najprodavanijih umjetnica svih vremena, a iza sebe je ostavila mnoštvo hitova među kojima su "I Will Always Love You", "I Have Nothing" i "My Love Is Your Love."
