“Studenti” su danas poraženi u “Draženovom domu” 90:75, u 18. kolu AdmiralBet ABA lige.
"Utakmica nije krenula kako smo se mi nadali. Od početka koncentracija nije bila na nivou koji želim, nismo poštovali stvari koje smo dogovorili u pripremi. Ne mogu da kažem da nije bilo želje, ali greške koje smo pravili ne bi smjele da se dešavaju. Imali smo priliku kada smo se vratili u meč, ali je onda Cibona ubacila neke teške šuteve. Generalno, bilo je previše njihovih skokova u napadu, pogotovo u prvom poluvremenu, i previše njihovih lakih poena, pa je Cibona zasluženo pobijedila", rekao je Žakelj.
Novi trener Cibone Gašper Okorn debitovao je pobjedom na klupi.
"Mislim da smo zaslužili pobjedu, nije bilo lako, ali sam govorio momcima da budu strpljivi i čekaju trenutak da prelomimo utakmicu. Taj trenutak je došao u posljednjoj četvrtini, ali nisam zadovoljan s poslijednja četiri minuta u kojima smo imali plus 12 pa stali. Moramo da naučimo da privedemo utakmice kraju. Ali, idemo korak po korak", rekao je Okorn.
