U pitanju je nešto puno manje glamurozno, ali sigurno mnogima zanimljivo: sortiranje noćnih fotografija snimljenih većinom sa ISS-a. Naime, do sada su skupili više od 1,8 miliona fotografija Zemlje iz svemira, od kojih je 1,3 miliona snimljeno sa ISS-a, a otprilike trećina njih snimljena je po noći. Fotografije su visoke rezolucije, ali je njihovo korišćenje ograničeno, budući da nije uvijek sasvim jasno što je na njima prikazano.
Iz NASA-e su poručili da se nadaju da će te fotografije "pomoći u štednji, doprinijeti boljem zdravlju i sigurnosti ljudi te pomoći u razumijevanju hemijskog sastava atmosfere". "Lokacije koje se vide na fotografijama nijesu uvijek određene, što ograničava korišćenje fotografija. Tu na red dolazi građanska dužnost, poručuju iz NASA-e.
Univerzitet iz Madrida pokrenuo je stoga projekt nazvan "Gradovi po noći" kako bi se fotografije kategorizovale. Najjednostavniji dio projekta jeste "Dark Skies ISS", u kojem se od korisnika interneta traži da fotografije podijele na fotografije gradova, zvijezda i drugih objekata. Drugi dio nazvan je "Night Cities ISS", traži poznavanje lokalne geografije kako bi se svijetla mjesta na fotografijama pridružila lokacijama na kartama. Treći i najzahtjevniji dio zove se "Lost at Night", a za njega je potrebna pomoć "građana naučnika", koji su u stanju da prepoznaju gradove na velikim noćnim fotografijama. Alehandro Sančez sa madridskog Univerziteta je kazao: "Ne znamo u kojem su smjeru okrenute kamere, samo gdje se ISS nalazio u tom trenutku. Neke fotografije prikazuju velike gradove, ali na drugima su gradići. To je kao slagalica od 300.000 dijelova".
Do sada su se već javilo stotine dobrovoljaca koji su klasifikovali gotovo 20.000 fotografija. Ipak, iz NASA-e poručuju da jednu fotografiju treba da pregleda nekoliko ljudi kako bi se osigurala tačnost podataka.
Index.hr
