Posljednji put je takođe bilo u londonskom Eventim Apollo Hammersmith-u, daleke 1979.
Kejt Buš je oduševila na prvom od 22 svoja povratna koncerta. Svih 77 hiljada karata planulo je u 15 minuta, da bi se nakon toga preprodavali od tapkaroša po nevjerovatnim cijenama !
"Before the Down", povratnički spektakl, intenzivan i emocionalan, bio je najavljen na njenom sajtu.
“Imam zahtjev za sve vas koji žele doći na koncert: Izabrali smo intiman teatar, radije nego veliki stadion. Za mene bi značilo mnogo ako izbjegnete da fotogrfišete ili snimate tokom koncerta. Želim puno da imam kontakt sa vama, a ne sa vašim ajfonima, ajpedima i kamerama. Znam da tražom mnogo, ali bi nam omogućilo da podijelimo zajedno ovo iskustvo.”
Sudeći po rijetkim snimcima na Jutjubu, najveći broj fanova uslišio joj je molbu.
Koncert je počeo sa “Lily”, klasikom od Kejt, da bi potom prešla na bogatu skalinadu pjesama koja je obilježila njenu karijeru.
Kejt danas ima 56 godina, ali se pokazala vokalno izuzetnom. Bogata je bila i scena, kao i prilikom njenog posljednjeg nastupa, daleke 1979. godine.
(Repubblica, priprema: PA)
