Njegovo beživotno tijelo pronašao je u nedjelju jedan od njegovih zaposlenih na imanju u Eseksu.
Dejli mejl navodi da je nekoliko sati prije samoubistva Flint viđen u jednom lokalu na ručku i da je bio odlično raspoložen.
Britanski novinari došli su do saznanja da je prije samoubistva nazvao svoju suprugu Majumi Kai, koja ga je ostavila prije nekoliko mjeseci, i preklinjao je da se vrati.
Jedan od gostiju lokala gdje je Flint ručao rekao je da je pjevač bio izuzetno dobro raspoložen i da je pričao o tome kako redovno trči i vježba.
"Moj sin je bacio viljušku na pod, a on ju je podigao i našalio se sa mojom suprugom. Smijao se i pričao sa trenerom o vježbanju cijelo vrijeme. Izgledao je tako radosno i ponosno. Ne mogu da vjerujem da se ubio nakon nekoliko sati", rekao je očevidac.