Prvo mjesto i nagrada u vrijednosti od 2.000 eura pripala je barci pod nazivom 40 godina zemljotresa, kotorskog meštra Mija Milovanovića.
Drugo mjesto i 1.500 eura podjelile su kreacije pod nazivom Rušenje još traje, autora Dragana Buzdovana i Evropski šampion bez bazena – Zvjezdana Šantića.
Žiri je odlučio da treće mjesto i 1000 eura podjele dvije ukrašene barke i to: Divne plave moje vale (Omaž Maji Perfiljevoj) – Marka ševaljevića
i Špiljarska crkva, dugogodišnjeg učesnika „Bokeljskih noći“ Boža Zornije.
Žiri je radio u sastavu: Lana Bokan – vajarka, predsjednica žirija i članovi prof. Marina Dulović – Sekretarka za kulturu, drustvene djelatnosti i sport i Vladimir Jovićević – akademski slikar i profesor na Akademiji umjetnosti u Firenci.
Fond nagrada iznosio je 4.500 eura.
Program su sa glavne bine vodile Dubravka Jovanović i na engleskom jeziku Ana Nives Radović, a RTCG je omogućila direktan prenos na prvom programu državne televizije.
Nakon proglašenja najboljih, kotorani i gosti su uživali u spektakularnom muzičkom vatrometu sa mora.
Fešta se do ranih jutarnjih sati nastavila po trgovima u Starom gradu uz domaće muzičke snage i to:
Na trgu od oružja –TRI KVARTA I THE GRUPA;
Na pjaci Svetog Tripuna – FOUR BLUES DRIVERS i JELENA KAŽANEGRA SA BENDOM:
Na Pjaci od muzeja – MIJA I SANJA;
