Ambasada Palestine obilježila je večeras u Podgorici godinu dana od tekućeg rata od strane Izraela nad Palestinom.
Građani su se večeras okupili na platou kod Moskovskog mosta kako bi zajedno upalili lampione i položili cvijeće u znak sjećanja na žrtve.
Ambasador Palestine u Crnoj Gori Rabii Alhantouli je kako sve traje mnogo duže od godinu dana.
"Ono što je počelo 7. oktobra je još jedna godina izraelskog krvoprolića, razaranja i ratnih zločina koji se nad palestinskim narodom odvijaju već 76 godina. Međutim, moramo priznati da Izrael ove godine postiže novi rekord užasa, pokazujući svijetu svoje pravo lice genocidne države koja najavljuje i sprovodi plan etničkog čišćenja nad Palestincima", kayao je on..
Kazao je da su se okupili u znak sjećanja na 42.000 Palestinaca, uključujući 17.000 djece i 12.000 žena, koje je, kako je kazao, izraelska vojska brutalno ubila.
"Ali okupljamo se i zbog svih Palestinaca i Libanca koji i dalje trpe izraelske zločine. U Gazi i na Zapadnoj obali, uključujući Jerusalim, moj narod i dalje ubijaju dok se suočavaju sa bombama, traumom, nedostatkom hrane, vode i ljekova. Nema sigurnih mjesta, bombarduju bolnice, univerzitete, škole, džamije i crkve", kazao je ambasador Palestine.
Ubijaju, poručuio je, ljekare, medicinske sestre, učitelji, novinari, humanitarni radnici, imami i sveštenici.
"Je li normalno da naša djeca pišu svoje oproštajne poruke, pripremajući se da budu ubijena? Je li normalno da palestinski roditelji pišu imena svoje djece na njihovim tijelima kako bismo ih mogli prepoznati ako im izraelske bombe unakaze tijela? Je li normalno da Izraelu, nakon godinu dana intenzivnih ratnih zločina, i dalje dopuštaju da sprovodi svoj genocid? Ne, nije normalno, i zato moramo dalje podizati svoje glasove i pozivati na akciju kako bismo zaustavili ovu izraelsku mašinu za ubijanje, za dobro onoga što je ostalo od ljudskih vrijednosti", kazao je on.
Volio bi, kako kaže, da može izgovoriti svako pojedinačno ime ili ispričati priču o palestinskom i libanskom djetetu koje je ubijeno, ranjeno ili ostalo bez roditelja, jer oni, poručuje, nisu brojevi, oni su životi, oni su naša nada, i zato ih Izrael cilja.
"U sjećanje na sve njih, na one koji još uvijek pate, nikada nećemo odustati dok pravda, sloboda i ne budu postignute", zaključio je on.
Zahvalio se građanima Crne Gore na kontinuiranoj solidarnosti i podršci Palestini.
Pjesnikinja Lejla Kašić govorila je stihove Mahmuda Derviša, najvećeg pjesnika među palestinskim narodom i jednim od simbola otpora.
