Za kilogram crvene pomorandže na zelenoj pijaci u TC Gintaš kupci trebaju da izdvoje četiri eura za kilogram.
Obična pomorandža jeftinija je za dva eura, a kilogram mandarina košta 2,50 eura. Kilogram kivija potrebno je platiti tri, dok je komad ananasa 3,50 eura. Kruške u zavisnisti od sorte nuđene su od tri do pet eura. Prodavci nektarine iz Grčke prodaju za deset eura, a toliko košta i kilogram grožđa. Trešnje i dalje drže cijenu i kilogram treba platiti 35 eura.
Na pijaci ima i jagoda koje koštaju deset eura, a prodavci kažu da se uglavnom kupuje po pola kilograma. Jabuke su cijenjene dva, dok je japanska jabuka nuđena za šest eura. Dva eura je i kilogram banana, ali i limuna. Kilogram nara košta 3,50 eura, a borovnice su pet eura.
Kilogram krompira košta euro, dok su paprike, u zavisnosti od sorte, od 3,50 do četiri eura. Kilogram luka nuđen je od 1,50 do dva, dok je mladi pet eura. Paradajz i krastavac mogu se kupiti po tri eura, a šargarepa je 1,50, dok su tikvice euro skuplje. Salata je prodavana za dva eura, koliko koštaju i raštan i kelj. Spanać je nuđen za tri, dok je blitva 2,50 eura.
