" Sa iskrenim žaljenjem primio sam vijest o smrti Vašeg oca Marka Vešovića, jednog od najistaknutijih crnogorskih i bosansko-hercegovačkih književnika, čije djelo daleko nadilazi granice ex-jugoslovenskog prostora, i cijenjenog univerzitetskog profesora. On će ostati jednako upamćen i po svom moralnom stavu i ljudskoj odvažnosti u najtragičnijim godinama u novijoj istoriji jugoslovenskih naroda. O Marku Vešoviću tek će objektivno suditi generacije koje dolaze kad se raziđu političke magle ispod kojih su danas zapretane besmislene podjele i druge naše nesreće", naglasio je on.
17
Mi u Crnoj Gori, dodao je, ćemo ga pamtiti i po tome što je bio prototip časnog Crnogorca iz literature, koju je obogatio svojim književnim i prevodilačkim darom i znanjem.
"Kao što je obogatio crnogorsku književnu i kulturnu riznicu. I što je svojom ljudskošću obilježio vrijeme u kojem je živio. Crnu Goru je do kraja života nosio u srcu, jednako joj posvećen i odan i kad je hvalio i kad je kudio ono što je zasluživalo, uvijek dobronamjeran i brižan sin svoje domovine, koja će se i njime uzdizati. Molim Vas da primite izraze najdubljeg saučešća, i da moja saosjećanja prenesete najbližima", istakao je Đukanović u telegramu.
