Žan Pol Belmondo rođen je 9. aprila 1933. godine u predgrađu Pariza.
Proslavio se ulogama u filmovima novog talasa šezdestih, da bi sedamdestih postao zvijezda akcionih filmova. Uloga sitnog gangstera Mišela u kultnom ostvarenju Žan-Lika Godara "Do posljednjeg daha", tada 26-godišnjeg Belmonda preko noći je vinula u zvijezde. Glumio je u gotovo stotinu filmskih naslova, među kojima su i "Profesionalac", "Ćoćara", "Čovjek iz Rija", "Afera Staviski", "As asova", "Borsalino", kao i četrdesetak pozorišnih uloga. Posljednji film "Allons-y! Alonzo!" snimio je 2009. godine.
Slavni francuski glumac iza sebe ima dva braka, četvoro djece, od kojih je najmlađe dobio u 70. godini, i šestoro unučadi.
Kako pišu mediji, bio je u lošem stanju neko vrijeme, a 2001. godine je doživio infarkt.
