“Moram reći da je Sekulović potpredsjednik Udruženja pravnika, jedan od istaknutih pravnika i čovjek za kojeg, kao kolega, moram reći da se radi o izuzetno časnom čovjeku i zasigurno da jednom takvom čovjeku želim sve najbolje u radu. Izazovi su veliki, radi se o jednom značajnom resoru”, kazao je Radulović.
Što se tiče Olivere Injac ona je, kako kaže Radulović, puno koordinirala i pomogla radu Igmanske inicijative.
“Poznajem je kao profesora i profesionalca. Drago mi je da je povećan broj žena u Vladi. Kada me pitate za konkretno ovo dvoje ljudi moram vam reći da je riječ o kolegama koje lično poznajem i znam pouzdano da se radi o čestitim ljudima”, naveo je Radulović.
Pisac i novinar Balša Brković naveo je da dijeli, najblaže rečeno rezervu prema određenim ministrima, kao i o početnom konceptu o 12 apostola.
“Vrlo je vjerovatno da imamo jedno suludo pakovanje četiri resora u jedno ministarstvo kako bi se došlo do te apostolske asocijacije. Koliko god sve moglo da mi bude neprihvatljivo, u ličnoj ravni ovo društvo i svi mi se nalazimo se u jednoj zoni ulaska u procedure. Vjerujem da na sljedeću promjenu nećemo čekati ovako dugo i to treba da postane rutina”, naveo je Brković.
Pored rezervi prema Vladi, i kako kaže religijskom marketingu, u toj vladi ima i sposobnih ljudi.
“Vjerujem i da ćemo možda imati priliku da vidimo i iskorake u nekim stvarima”, naveo je Brković.
