Inspirisan ovim negativnim stereotipom, australijski lanac restorana, pod nazivom “Karen’s Diner” odlučio je da zamijeni uloge u gore pomenutom scenariju. Naime, u restoranima ovog lanca, kelneri su ti koji vas vrijeđaju!
Dok vi uživate u svojim burgerima, krilcima ili drugoj hrani u stilu američkih dajnera, osoblje ugostiteljskog objekta će vas uz vašu narudžbinu počastiti i kojim neželjenim komentarom, uvredom, a možda dobijete i srednji prst.
Poslije samo četiri mjeseca, restoran je postao lanac i uspješno se proširio na 15 lokacija raštrkanih širom Australije — od Adelejda do Sidneja — i dvije nove lokacije u Velikoj Britaniji.
Jedna stvar koju vlasnici lanca “Karen’s Diner” nikada nijesu mogli da pretpostave je koliko će gosti uživati u nepristojnim konobarima i lošoj usluzi.
