Kako su saopštili, u rijeci Natisone pronađena su tijela dvije djevojke Patricije Kormos i Bjanke Doros, dok se za mladićem Kristijanom Molnarom i dalje traga.
Tijelo jedne djevojke pronađeno je 700 metara od mjesta na kojem je posljednji put viđena, a druge 300 metara dalje.
Podsjetimo, njih troje odnijela je bujica nakon što je u petak, usljed obilnih kiša, došlo do izlivanja rijeke Natisone kod Udina.
Nije utvrđeno zbog čega su se njih troje našli u nabujaloj rijeci, a tužilaštvo je formiralo predmet.
Na posljednjem snimku, njih troje bili su zagrljeni i tako su pokušavali da se odupru struji. No, nijesu uspjeli u tome – bujica ih je odnijela upravo u momentu kada su im vatrogasci bacili uže kojim bi se spasili.