Automobili, ulice i autoputevi prekriveni su snijegom i ledom, a ljudi su iskoristili ovu rijetku priliku za fotografiranje i igru na snijegu.
"Imam 62 godine i nikada nijesam vidio snijeg. Vidjeti ljepotu prirode je nešto neopisivo", rekao je vozač kamiona Goncalves Markues u gradu Cambara do Sul za TV Globo.
Porasle cijene kafe i šećera
Više od 40 gradova u državi Rio Grande do Sul je pod ledom, a u najmanje 33 opštine pao je snijeg, izvijestila je meteorološki zavod Somar Meteorologija.
Neuobičajeno hladno vrijeme u Brazilu već je uspjelo povećati međunarodne cijene kafe i šećera, a današnji dan je najhladniji u godini, prenosi Rojters.
Talas hladnoga vazduha krenuće prema sjeveru Brazila. Polarna vazdušna masa trebala bi se danas kretati iznad Sao Paula i Minas Geraisa, donoseći tako niske temperature.
Prema meteorološkom zavodu MetSul, vjetrovi u gradu Sao Francisco de Paula dosezali su 80 kilometara na sat, što je rijetka pojava u Brazilu.
"Gotovo i da ne osjećate hladnoću zbog uzbuđenja oko snijega. Čudesan je, čudesan", rekao je građanin Cambara do Sula Joselaine da Silva Markues za TV Globo.
