Sekretarka Sekretarijata za kulturu i sport Glavnog grada, Ana Medigović zahvalila je profesoru Radonjiću na spremnosti da svoje dragocjeno znanje i iskustvo dijeli sa novim generacijama i u izazovnom vremenu pandemije. Ona je ujedno čestitala mladim retoričarima na uspješno završenom kursu, poželjevši im da stečenoznanje iskoriste za dalje napredovanje i usavršavanje, u profesijama za koje se opredijele.
U svom vrlo emotivnom obraćanju, prof. dr Radovan Radonjić pohvalio je darovitost, posvećenost i potencijal svih dosadašnjihpolaznika, ističući značaj institucionalne podrške koju su, resorni Sekretarijat ivKIC “Budo Tomović”, pružili ovoj školi,prepoznavši važnost lijepog govora, razvoja oratorskih i retoričkih sposobnosti, pogotovo kod mladihljudi kojima ove vještine donose brojne benefite.
Publika je bila u prilici da čuje govore: Ane Kovač, Maje Banović, Luke Banovića, Andrije Banovića, Mine Međedović, Zorice Vučinić, Milene Šćepanović, Vuka Vučerakovića i Tijane Lopičić, kojima su pokazali uspješnu primjenu stečenog govorničkog znanja i vještina.
Podsjetimo, KIC-ovu Školu retorike, koju je veoma uspješno kroz 10 generacija vodio prof. dr Radovana Radonjića, pohađalo je (besplatno) više od 250 polaznika, a retoričke vještine savladavali su: studenti i srednjoškolci, ali i prosvjetni radnici, ljekari, pravnici, menadžeri, kao i drugi koje profesionalna orijentacija ili intelektualna znatiželja upućuje na govornu komunikaciju kao sredstvo rada i dokazivanja.
