“Da bismo poboljšali ekonomsko socijalni položaj naših građana, moramo kao država hitno mijenjati politiku koja nas je dovela u ovakvo stanje koje naši međunarodni partneri nazivaju hibridnim režimom”, saopštila je ona.
Ona tvrdi da „od snage SDP dominantno zavisi u kom pravcu će ići Crna Gora“.
“Da li u pravcu daljeg demokratskog propadanja ili snažno u reforme koje će značiti pravdu i pristojan posao za sve. Srećom , naša snaga je sve veća, a naša vizija, kao što je pobijedila nacionalizam iz 90-ih, pobijediće i današnji, ponovo probuđeni, nacionalšovinizam, ali i nepravdu u kojoj neki tajkuni vlasti imaju i mogu sve, a ogroman broj građana nema ni najosnovnija prava i mogućnosti”, dodala je predsjednica SDP.
Predsjednica SDP je govorila I o brojnim prijedlozima i inicijativama te partije za popravljanje socio-ekonomskog položaja velikog broja građana.
“Bavimo se penzionerima, nezaposlenima, prosvjetarima, medicinskim radnicima, zaposlenim u policiji, vojsci, bavimo se poštenim preduzetnicima od kojih živi ova zemlja, a koja prema njima, za razliku od tajkuna, ima maćehinski odnos. To građani prepoznaju i zato podrška SDP raste iz dana u dan” naglasila je predsjednica SDP-a.
