Ovo udruženje je uspostavilo kontakt sa osnovnom školom „Rifat Burdzović Tršo“ iz Bijelog Polja i dogovorilo buduću saradnju na način što će djeca iz ove škole pisati i slati pisma djeci naših iseljenika u Njemačkoj, što će istovremeno doprinijeti njihovoj socijalizaciji i druženju.
„Mišljenja smo da ta dopisivanja mogu doprinijeti djeci ovdje u dijaspori, mogu im približiti ono što oni propuštaju i na taj način mogu naučiti neke stvari koje mi kao roditelji možemo prepričati ali ni približno toliko stvoriti realnu sliku, koliko to može učiniti jedno pismo, pisano rukom djeteta koje u ovom momentu to proživljava, stavlja na papir i hitrim korakom poštom upućuje svom „prijatelju“ u Njemačku. Naravno, nije nam želja da dopisivanja koriste samo jednoj strani, svakako da vjerujemo da pisma koja pošalju naša djeca iz dijaspore mogu takođe doprinijeti novim druženjima, iskustvima i u najmanju ruku upoznavanju vršnjaka koji žive negdje tamo „iza brijega“ naši su, a opet nijesu sa nama.“, kazala je Emira M. Ličina, predsjednik udruženja MonteKöln iz Kelna. Ona je dodala da im je želja da projekat prošire i na ostale škole iz Crne Gore.
Komentari (0)
Želite da podijelite Vaše mišljenje sa čitaocima? Napišite komentar i započnite diskusiju.
