Do danas drugoplasirani Frajburg doživio je debakl na gostovanju Volfzburgu. Na kraju je bilo čak 6:0 (3:0), a dva pogotka za domaće postigao je Vind.
Sjajan meč gledali smo u Berlinu, gdje je Union u finišu preokrenuo protiv Hofenhajma - 3:1 (0:1). Domaći su u uvodnim momentima promašili penal, a nakon toga je Bebu doveo Hofenhajm u vođstvo. No, u nastavku je Union preokrenuo, i to uz dva pogotka Danila Doekija u 73. i 90. minutu. U šestom minutu nadoknade, konačnih 3:1 postavio je Lueling.
U okršaju ekipa koje se bore za opstanak, Bohum je slavio nad Hertom, rezultatom 3:1 (2:1). Ekipa iz Berlina je u sve težem položaju, a naš Stevan Jovetić nije bio u protokolu, s obzirom na to da i dalje ima problema sa mišićima.
Ni Šalke nije prošao ništa bolje na gostovnju Ajntrahtu. Ekipa iz Gelzenkirhena poražena je 3:0, pri čemu je Rafael Bore uz pogodak upisao dvije asistencije.
Podsjetimo, u derbiju kola, sinoć su Lajpcig i Bajern podijelili bodove – 1:1. Do vođstva su na Red bul areni u 37. minutu došli gosti, pogotkom Čupo Motinga, a konačan rezultat je u 52. minutu postavio Halštenberg.
Rezultati: Lajpcig – Bajern 1:1, Ajntraht – Šalke 3:0, Bohum – Herta 3:1, Union – Hofenhajm 3:1, Volfzburg – Frajburg 6:0, Štutgart – Majnc 1:1, Keln – Verder (18:30).
Sjutra: Dortmund – Augzburg (15:30), Menhengladbah – Leverkuzen (17:30).
Tabela: Bajern 35, Ajntraht 30, Union 30, Frajburg 30, Lajpcig 29, Volfzburg 26, Dortmund 25, Menhengladbah 22, Verder 21, Majnc 20, Hofenhajm 18, Leverkuzen 18, Keln 17, Bohum 16 Štutgart 15, Augzburg 15, Herta 14, Šalke 9.
Komentari (0)
Želite da podijelite Vaše mišljenje sa čitaocima? Napišite komentar i započnite diskusiju.
