SC Derbi ispustio je u posljednjoj četvrtini prednost od 10 poena, pa Barani tako na kraju nastavljaju put ka finalu - četvrtom uzastopnom.
U okršaju članova ABA lige, 'studenti' su gotovo sve vrijeme bili u vođstvu. Prvu četvrtinu riješili su u svoju korist, rezultatom 25:29, da bi uoči završnog kvartala vodili 64:74.
Tada je uslijedilo buđenje košarkaša Mornara, koji su trojkom Vranješa, pola minuta uoči kraja, poveli 96:95. Tim sa primorja od tada nije ispuštao prednost, pri čemu je veliki preokret 'zaokružio' trocifrenim brojem poena.
Pritom, ekipa Mornara je u posljednjoj četvrtini postigla čak 39 poena.
U redovima pobjednika, Vranješ je postigao 30 poena, pri čemu je ubacio čak šest trojki. Vranković je dodao 23, koliko i Pecarski.
Kada je u pitanju SC Derbi, najbolji učinak imao je Slavković (21), a pratili su ga Hadžibegović (19) i Vučeljić (18).
Mornar će tako u polufinalu igrati protiv boljeg iz duela Budućnost - Sutjeska, koji je na programu u 19:30 časova.
U drugom polufinalu sastaće se Podgorica i Mileniju.
Komentari (0)
Želite da podijelite Vaše mišljenje sa čitaocima? Napišite komentar i započnite diskusiju.
