Smočani kačamak sa lukom

Sastojci:

- krompir  2 kg

- pšenično brašno  300 g

- crni luk  500 g

- ulje  1/2 dl

- skorup  200 g

- sir  200 g

- kisjelo mlijeko   2 l

Priprema:

Krompir oljuštiti i isjeći, naliti vodom, posoliti i kuvati dok ne omekša. Dodati prosijano brašno, napraviti udubljenje i lagano kuvati 30-40 minuta. Crni luk sjeći na rebarca, propržiti, da malo porumeni. U posudi sir i skorup upola rastopiti.

Iz kačamaka ocijediti višak tečnosti, kačamarom dobro izmiješati i istući smješu, da nema grudvica. Kad postane kompaktna dodati sir i kajmak, pa promiješati.

U sve ovo dodati crni luk, zajedno sve izmiješati i odmah servirati. Kačamak oblikujemo kašikom u obliku kila. Servira se uz kisjelo mlijeko ili jardum.